Onkel Karls Geburtstag

I håb mein Onk´l so´narrisch gern

Des wüll i eich heite gaunz anfåch erklär´n:

Er opfert si´ auf Tåg und Nåcht

I håb ka Auhnung wia ´r as måcht

Für Aund´re dåsein is eam nia zu bled

Wer waß wia des nu weidageht

Er bringt olle Mensch´n nur Glück

Und kriagt sölt´n wås dafür zurück

Er gibt oll´n aundern wås er kaun

Er is a herz´nsguata Maun

Wia g´sågt: eam gernhaum is net schwer

Drum nu amoi — i måg eam sehr

Daß er a mi måg des is g´wiß

Obwohl des net so anfåch is

Håb nu nia für eam wås g´leist´

Weshoib mi jetzt des G´wiss´n beißt

Waun i eam siech wüll ich´s erklär´n

Då versuacht er si´daun glei´zum wehr´n

Er wüll den Daunk daun fåst net nehma

Wechselt daun a glei des Thema

G´måcht håt er des ålles gern

Drum wüll er drüber goa nix hearn

Nu amoi kimm i drauf hi´

Då sågt er åba —— låß z´erscht mi´