Pfiat Di Gott

Pfiat di Gott, Du braver Maun

Håst immer ois für aund´re ´taun

Håst immer aun d´Famülie denkt,

håst Dir sölber åba nia wås g´schenkt.

Woarst immer guat zu ålle Wes´n,

nur zu Dir is es des Leb´n net g´wes´n.

Gerechtigkeit auf dera Wölt gibt´s net,

weul Dir sunst Aund´res zuasteh´ tät.

Håst den Schmerz geduldig tråg´n,

und trotzdem d´Kraunkheit damit net verjåg´n.

Verdient hätt´st Dir a scheene Zeit,

aung´füllt mit vül Glück und Freid.

Woarumst so boid håst miass´n geh,

Kaun kana hoit so recht versteh.

Doch tråg´n ma d´Hoffnung in de Herz´n,

es gibt a Jenseits ohne Schmerz´n.

Wo Dir neamd Dei Ruah wegnimmt,

bis der erschte von uns nåchekimmt.