Stern inaktivStern inaktivStern inaktivStern inaktivStern inaktiv
 

Wolfgangs Geburtstag

 

Mei Bruada is in gaunz´n net z´wieda,

trotzdem glaubt er hin und wieda,

 

Daß ålle Leit sei Meinung haum,

nur weu ´s nix sågn woll´n zu sein´m Traum

 

Im Hamlich´n då denk´n sie

wås der dazöhlt is Utopie

 

Und zeitweilig bemerkt er daun,

daß s´scheinboar net vastaund´n haum

 

Er ergreift des Thema wieda

red´t s´ im woahrst´n Sinne nieda

 

Is im Red´n gaunz beflissen

bis de daun wirklich nimma wiss´n

 

Is då vielleicht net do´ wås d´raun

und seine Ausführungen glaub´n

 

San seine Vorschläge jetzt wichtig?

oda beeinflusst er de Leit nur richtig?

 

D´rum wolln s´sei Nähe a net miss´n

sicher is sicher, ma kaun jå nie wiss´n....

 

Denn a waun er a net recht haum tuat

is´s so an Freind haum imma guat