Die andere Bibel
Es lebt´ amoi — is scho laung her,
a Josef, der wår Zimmerer.
Er denkt si´ so — des is neamd neich —
besser oiswia årm is reich.
So suacht er wås er måch´n kennt,
daß si´ sei´ Leb´n zum Besser´n wend´t.
Er schaut si´ um, ob då wås fliagt,
wås eam aus der Oarmut ziagt.
Ois wås i håb, so fållt eam auf,
is a Idee — de i verkauf.
Für guates Göld låßt er d´Leit wiss´n,
vom Laund wo Mülch und Honig fließ´n.
De Leit wårn gierig, zåhln eam ois,
doch eam genügt des keinesfois.
Und so brüstet er sei´ Fähigkeit,
„I zeug´ a Kind, des lebt für d´Ewigkeit."
Eindruck und Nåchfråg san enorm blieb´n,
drum håt er schließlich de Bib´l g´schrieb´n.