Erikas Zweiundvierziger

Zuvül zu såg´n mecht i vameid´n,

bis jetzt då kaun s´mi nämlich leid´n

Trotzdem gib i doch zu bedenk´n

sollt ma an jed´n d´Woahrheit schenk´n

Sie is — nenn i ´s beim Naumen

Scho maunchmoi aa a Frau mit Launen

De daun, waun sie der Zurn gråd påckt,

auf aund´re umanaundahåckt

De hin und wieda net bedenkt

Daß sich a aundra d´rüba kränkt

Doch is sie aa, i såg es laut

Daun wiedarum a guate Haut

De, waun´s drauf aunkimmt net sinniert,

ob jetzt ihr Hülf benötigt wird

Sie greift mit zua – und des aa kräftig

Daneb´n geht ihr des Mundwerk mächtig

So wünsch i ihr daß sie´s nia biaßt

wås pfeilgråd aus ihr außeschiaßt

Weu waun a jeder des so måcht

und des daun sågt wås er gråd ´dåcht

daun heart sie´s sicher wirklich boid

wås, 42 bist? — Jetzt wirst oid