Mein Leben

Hurch, Jesus, red ma von da G´schicht von mein Leb´n,

woarum håst ma´s net åls Ehefrau geb´n?

Drei oda vier Kindern hätt´ i kenna des Leb´n spend´n,

daun miaßast du neamd mehr a Ripp´n entwend´n.

Sowieso wår dei´ Leistung net ´s gölbe vom Ei,

und mei´ Zeit für Nåchwuchs is aa vurbei.

Wennst ma a Chance geb´n hättst, daß i´s aa probier,

stand´t jetzt vielleicht dei´ Eb´nbüld vur dir.

Und so bleibt nur de Konsequenz:

du håst da g´fiacht vur Konkurrenz.