Bewertung: 5 / 5

Stern aktivStern aktivStern aktivStern aktivStern aktiv
 

Single

 

Es is da goa net recht,

Daß kana mit dir red´n mecht

 

Du fühlst di einsaum

Da Tåg wird da laung

 

Du entwicklst a Sehnsucht nåch ollahaund

De Joahreszeit´n ziagn ins Laund

 

Jeda Tåg håt´s sölbe Musta

Mit der Zeit då kriagst an Gusta

 

Du denkst : a Partner muaß her

Åba an find´n is schwer

 

Du raffst di auf und gehst unter d´Leit

Wem kennaz´lerna wird´s jetzt Zeit

 

Du triffst a vül Verschiedene

Große, Klane, Verheirat´te, Gschiedene

 

Irgendwaun glaubst daun des paßt

Ziagst a daun z´saum, und kurz d´rauf waßt:

 

Aunstrengend is so a Mau (Frau)

I wollt es redat mi kana mehr au