Worauf es ankommt
Sei Gaung is weich, sei Körper sehnig.
Er is vergeb´n? Des kümmert wenig!
Den muaß i haum,
der is mei Traum.
I pirsch mi aun, er nimmt mi woahr,
wir flirt´n heftig daun sogoar.
Es wird nu mehr,
er liebt mi sehr !
Tuat ois für mi,
des is a G´füh´
I brauch nur såg´n wås i gern hätt´,
nix wås er net für mi tät´.
Doch kurz drauf siech i seine Wadln
inmitt´n von ´ner Grupp´n Madln.
A scheener Maunn måcht vüüle Neider,
und er kaunn hoit net naa såg´n leider.
So is es net nur mir ergaungen,
drum werd´n aa de schiach´n Mauna eing´faungen.