Bewertung: 4 / 5

Stern aktivStern aktivStern aktivStern aktivStern inaktiv
 

Zynismus

 

Wås is Zynismus ? Håt mi oana g´frågt

I håb mi g´schaumt, und håb nix g´sågt

 

Wås is Zynismus? I kaun´s eich net sågn,

I bin net gebildet, des liegt ma im Mågn.

 

Aungeblich håb i eam — nur wo?

Daß i net amoi des waß, des gramperlt mi scho

 

Wås i scho g´suacht håb, ob i irgendwås find

Wås i nu nia g´segn håb, I glaub I bin blind

 

Ois wås I auftreib, is mir nimma neich

So bled kaun i do net sein, des såg i eich

 

So kloanweis kimmt mir jå der Verdåcht

Der håt a neiches Wort nur g´måcht

 

Damit´s net so auffollt — Leit´n wia mi

Daß er nu bleda is wia i